الروبيان على الطريقة الهندية

[ندعوك للتسجيل في المنتدى أو التعريف بنفسك لمعاينة هذه الصورة]

1. كيلو او كيلو ونص من الروبيان المقشر او بتشتريه من عند عمو نبيل حسب الميزانية
2. بصلة صغيرة مفرومة
3. سن توم كبير مع قطعة من الزنجبيل مدقوقين مع بعض
4. ربع ملفوفة صغيرة مقطعة شرائح طولية
5. حبة فلفل رومي مقطعة مكعبات
6. فطر مقطع
7. بهارات مشكلة، فلفل اسود، فلفل احمر حار، كزبرة ناعمة، رشة كمون، كاري، ملح، ولومي،رشة زعفران، عيدان قرفة وزنجبيل
8. بدنا ملعقتين حليب جوز الهند وتلات ملاعق معجون بندورة مدوبين بنص كاسة ماء

الطريقة:
1. بتقشري الروبيان او بكون مقشر جاهز اطبخيه لفترة قليلة مع شوية ماء وضيفي عليه عيدان القرفة والزنجبيل بتعطي نكهة وريحة طيبة
2. بالمقلا وبشوية زيت درة قلبي البصلة لحتى تدبل وبعد هيك ضيفي عليها التوم والزنجبيل المدقوق لحتى يحمروا مع بعض
3. ضيفي الملفوف والفلفل والفطر وقلبيهم مع بعض منيح
4. صفي الروبيان وضيفيه فوق الخضار واخلطيه معهم منيح
5. ضيفي المكونات رقم (7) باستثناء القرفة والزنجبيل طبعا لانه استعملناهم لما طبخنا الروبيان وقلبيهم مع بعض منيح
6. واخيرا ضيفي الماء المدوب فيه الحليب ومعجون البندورة وغطي المقلا واتركيهم على نار هادية لحتى يتجانسوا مع بعض ويستوي الخضار والروبيان منيح
7. قدميها مع الرز المفلفل
8. وصحتين وعافية

» فاهيتا بالنكهة الهندية
» السمك المقلي على الطريقة الهندية
» روغان جوش (الغنم على الطريقة الهندية)
» فاهيتا بالنكهة الهندية
» البرياني بالطريقة الهندية