عدد الرسائل : 8006 البلد : سبحان الله وبحمده
عدد خلقه
ورضى نفسه
وزنه عرشه
ومداد كلماته : : نقاط : 79273 تاريخ التسجيل : 28/03/2008
موضوع: انا وجدتي والهيئه والدفاع المدني و اس تي سي الخميس يونيو 09, 2011 7:09 pm
انا وجدتي والهيئه والدفاع المدني و اس تي سي تعودت جدتي على الخروج الى حوش المنزل كل يوم تقريبا تشم الهوا برا وتوسع صدرها وتلمس اشجار الطماط والتينه والنخله بيدها لان نظرها خلاص يالله تشوووف وتقهوا القهوه والتمر في الهواء الطلق وتسقي النعناع حقها وتقعد ساعتين على الاقل وتسولف وتنام وفي يوم الجمعه 20\4 بعد صلاة المغرب الساعه السابعه والنصف تقريبا اخذتها كالعاده في كرسيها المتحرك فركبتيها لا تحملانها وعامل السن 90 سنه من العمل المضني وخبرة الحياة اثقلا كاهلها وما هي الا لحظات حتى قالت : لا تجيبون القهوه يالله ندخل داخل قلت لها سائلا: خلاص يا جدتي طاب خاطرك من الحوش !؟ !
قالت : لا والله بس جاي عليكم غبار الليله انا فلاحه واعرف ريحة الغبار و ريحة المطر . وريح الطلع وريح الزهر نظرت انا الى السماء وهي صافيه كعين الحمامه فقلت في نفسي ما الحكايه يمكن احد زعلها قلت لها : الجو زين يا جدتي والسماء صافيه ونبي نشب نار (اليوم جمعه) قا لت : لا تشبون شي اشم ريح الغبار جاي يمكن معه نجله بعد قلت: وش النجله قالت : تراب اصفر ناعم يهل علييكم من السماء ...يالله ندخل داخل قبل ما يوصلنا .... ريحته قويه شكله قريييييب قلت : مثل ماتبين حاضر وهزيت راسي ولم اعير كلامها اي اهتمام واخذتها داخل المنزل وهي تقول: باعلى صوتها قفلو الشبابيك ولا تخلون شي مفتوح نظرت اليها اتامل سنها الباقي في فمها وحيدا يلمع مثل حبة لؤلؤ بين فكي محاره وضحكت على حالتها لانها احيانا مزاجيه زي بعض اللاعبين وخرجت انا اشتري بعض لوازم البيت ورحت اسال نفسي : وش فيها اليوم جدتي اعرف انها ما خرررفت وعقلها يوزن بلد و(ماسكه معي ). على ان احد في البيت مزعلها وبعد اقل من ساعه وانا في الشارع بدات تتغير الحال واصفر الجو واشتدت الريح ورايت اطنان من التراب تغزو مدينة الرياض من السماء وانعدمت الرؤيه شبه كامله وكسى الرياض غلاف من الغبارلبسته ثوبا ثقيلا كثوب العروس غلافا شفافا يسترجمالها الصحراوي وجوها الربيعي البهيج بعودة حبيبها هذه الايام وانا خارج المنزل فقلت صدقت والله جدتي ليتني سمعت كلامها لو اني وزعت ما قالت برسائل نصيه عاجله ونشرته بالجوال بين الناس ل كان عملا خارقا وفيه اجر وبعد ساعات اي حوالي الساعه االحادية عشر والنصف بعدما راح الغبار وبدات الرؤيا تتضح جاءتني رساله نصيه من شركة الاتصالات يقول نصها : ( وردنا من الدفاع المدني هيئة الارصاد وحماية البيئه ما يلي (ان هناك عوالق ترابيه واتربه سوف تضرب منطقة الرياض والمناطق الجنوبيه الغربيه .....الخ.. اللي جاكم
المهم في البيان وشكله ان الهيئه بلغت الدفاع المدني والدفاع المدني هو لازم يبلغ الاتصالات والاعلام ضايع بالطوشه) حتى بيان عن الطقس ما تعرفون تصيغونه ( خضيتووووني) وضحكت بعدها كثيرا من الالآلآلآليه الخارقه التي وصلت بها الرساله الينا ( بعد ساعتين من هطول التراب) تبلغونا مالت عليكم
يقول المثل ((اذا فات الفوت ما ينفع الصوت )) استحو على انفسكم فشلتووو دولتكم اللي مكنتكم من امتلاك احدث اجهزة الانذار والاقمار الصناعيه ورواتب الحمد لله ويقولون فيه تعاون بيننا ووكالة ناسا وكل واحد يلقي المسئوليه على الاخر والطاسه ضايعه بين الدفاع المدني والهيئه وشركه اس تي سي والاعلام ومن امن العقوبه اساءء التصرف وكل يرمي تناحته على الثاني
لن نختبركم في كارثه حقيقيه او زلازل هذا اضعف امتحان حقيقي لكم وفشلتم احمونا بما كلفتم به من مسئوليه هذا عملكم قبل وقوع الفاس بالراس مثل جده ومكه والرياض فيما مضى انتم في مكان المسئوليه وهناك من فيهم ربو وامراض صدريه كانوا في المستشفى ذلك اليوم (قلصوا البيروقراطيه شوي واحملوو شي من المسئوليه) خاصه بما يتعلق بصحتنا ياناس العالم كله صار الان (اون لاين) استيقضوا وابدعو في عملكم لنرى شي جديد عندنا نخترعه نحن غير العالم ,عمل نفخر به بين الامم كويس ان الموضوع تراب وعجاج ماهو تسونامي او براكين حمانا الله منها
كان صاروا الناس (مضبي على الفحم) وحاطين وكالة (نا سا) زخرفه لهم دايم يرددونه كن الواحد وصل للقمر اوهو المشرف على رحلة ابولو 11 (عارفين الاجهزه الله يطول عمر اللي اشتراها لكم ) لكن العيب في من يعمل عليها ولا يعرف قدرها بعد ما غزانا الغبار وانقشع ياتي التنبيه والله شيء مضحك والموضوع مجرد كبسه زر وارسال للكل
*** وفي يوم السبت 21\4 استمعت الى برنامج صباح الخير في القناة السعوديه الاولى ومقابلات ولقاءات مع الساده مسئولي ( الدفاع المدني ! وهيئه الارصاد داخل الاعلام وقاعدين يتلاومون متى ارسلت الرساله يابو فلان وانت متى وصتك وكن الموضوع يخصهم هم فقط خمسة او ستة اشخاص ولم نجد لوم اومساءله من الملام على تاخيرها ياجماعه الموضوع يخص 4 ملايين شخص في الرياض انصفوهم وخذوا حقهم اما مسؤؤل الاتصالات لم يتداخل في الحوارلانه ما يدري وش يقول والناس في المستشفيات مع عيالهم وهو لاهي مع الشركات الاخرى وكيف يطلعون الفلوس منهم ومن جيوب الغلابا دعايات وحزم وباقات وجوالات انديه لنزف اموال المراهقين والسذج و مالين جوالاتنا برسايل مليت وانا امسح فيها ( استمتع بالعاب) و(قصايد للاعراس) و(نعبر عنك لحبيبك بكلام رومانسي) اتصل علينا (نصب على الجوال) هههههههههههههههههههه و(سمايلات ونغمات)
ويزعجوووونك غصب عنك شارك ....شارك ( تبي والا بع خطك ) واقعد بدون خط موبايل هذا هو الحل اماالارسال بسرعه للناس لخدمتهم هذا يكلفهم ويعطلهم ويزعجهم ( خدمه للمواطن مغصوبين عليها اضن) او اكيد لان ما منها فايده اقتصاديه نرجع لجدتي الله يطول عمرها نسيتها اسم الله عليها قلت لها صدقتي والله ياجده الغبار مالي الشوارع قالت : شفت اعرف الطقس من ريحته انا فلاحه افهم بالنواء والفصول ولا آكل الا اقط وزبد وزنجبيل وتمرواشرب لبن فقلت امزح معها : والهمبرجر قالت يجيب الثواره ويتفخ البدن والعقل فاضي ويوقف القلب عن النبض كله كيماويات (الطول طول النخله والعقل عقل الصخله) ثم استطردت هي وقالت : ماقالوا لكم في التلفزيون ان اليوم فيه غبار فقلت: تدرين ياجدتي انك (تسا وين 4 قطاعات كامله باجهزتها وموضفينها ) قالت : ليش قلت لانك سويتي اللي ما سووه و ما عرفوه باجهزتهم ولا وصلووه الى الان وهو (وعي المسئوليه العامه) ونبهتينا قبل ساعه من الغبار وبدون مقابل قالت وهي تصلح مخدتها: حظ الحباري والضبان . (مدري وش قصدها ) ثم ضحكت حتى طاحت على ظهرها وسكتت انا بعدها تثاوبت وسمممت بالله ونامت بعد عمري والله يالبى سنك هذا اللي يلمع فديته والله انا اشهد انك من ظهر رجال و(المسئوليه عندك مقدسه ماهي لعب عيال)
عندي اقتراح لهيئه الارصاد وشركة الاتصالات والباقين وضفوا جدتي عندكم) واقعدوا في بيوتكم اذا ما نفعتكم ما ضرتكم سلام الله على وجه تبسم يوم لاقاني سلام الله على نظره حنونه ورمش ما يبلى (سلفادور دالي) ....................................... انسوو اللي قريتو تراها قصه خياليه خندريسيه عبدالرحمن الثاقب
موضوع: انا وجدتي والهيئه والدفاع المدني و اس تي سي 
الخميس يونيو 09, 2011 7:09 pm
