قصيـــدة طفــــل

قصيده أعجبتني أتمنى أن تمروا هنا لتقرؤوها

كما اتمنى ان تعجبكم

يوم كنـت( صغيّّـر ) يقولـون جنّـي
ماخبر واحـد علـى امـي ماشكانـي
كنت مـوذي والـوذا مخلـوق منـي
كنـت اشقـا طفـل مولـود بزمانـي
اتشخـص ب( الطقـيّـه) ياعنـنّـي
صرت اغازل واعرف اسلوب الغواني
كـل بنـات الحـارة كانـن يعشقنـي
ابتسام..وهنـد... واحلام....وتهـانـي
من قبل لااقول .. طيـري.! يلحقنـي
ويحبسني مـن قبـل لااصـل مكانـي
كنت بـ(الحاره) من الطيش احسبنـي
سندباد اللـي عـرف سّـر الموانـي
كنت أوسوس بالشعر من صغر سنـي
والمس جروحي على شانـه واعانـي
لين في مّره .. وانـا ماشـي واغنـي
رايح لدكّان .. (عدنـان اليمانـي ) ..
مرني خنجـر غـلا عشـق وطعنـي
جايني من وين ؟ مدري بس .. جانـي
وش تبون بقصتي .. ؟يخرب مطني ..
ما ضحـك غيـري علـيّ ولا بكانـي
اسمعوا بـوح الحنيـن اللـي سكنـي
واعذروني لا خـذل حرفـي لسانـي
لا تعّـدون السهـام الـلـي رمـنـي
وتسأللوني وش كثر عـوج المحانـي
احسبونـي طفـل محـتـاج لتبـنـي
عن حسدهـم حافـظ السبـع المثانـي
وازرعونـي بالعيـون اللـي جفنـي
واقطفوني من على خضـر المعانـي
اطعنوا صدر اليقيـن بسيـف ضنـي
واشربونـي دمّ لـو جرحـه نسانـي
و اسمحوا لي بين( قوسيـن ) التجنـي
آخـذ المجنـي عليـه بذنـب جانـي.
أه منـه . وآه منكـم. وآ آ آه مـنـي
من نبش فيكم ورى الصمت وحكاني.؟
ايه امـوت بدونهـا .. وأحيـا كأنـي
عايش بدوني . ! غياب انسان ثانـي .
والله انّـه بالوهـم يــوم يحضـنـي
طيفه يصّدق . ! وانا اذوووب بحنانـي
أكذب الصدفه واصدقهـا !.. واهنـي
واجرح الساعه . لاجل خاطر ثواني ..!
اسألـوا بنهـايـة المـشـوار فـنـي
من وشم جرحي على صدر الاغانـي.؟
وعلمونـي وش يقـول الشعـر عنـي
هو أخذ من حسرتـي.؟ والا عطانـي
وبلغـوه انـي تعبـت مـن التمـنـي
ولا لقيت اريح مـن احـلام الأمانـي
وصدقوني موغـرور ان قلـت انـي
ماأنكتـب بيـت بقصيـد الاعشانـي.
وسامحونـي بـس هالـمّـره لانــي
طحت من عقلي علـى قمـة جنانـي

confused

الشاعر / خالد مطلق الردادي