اشتقتلك يا أمي

موضوع: اشتقتلك يا أمي السبت فبراير 27, 2010 11:20 am

شو مشتهي ارجع شي طفل صغير
واتمردغ بحضنك الدافي يا أمّي

وشيل عن كتافي حمل الغربة الكبير
وتغمرني ايديكِ بضمِّة بعد ضمِّةِ

واتغلغل بصدرك متل شي عصفور صغير
ومن عطفك وحنانك اتنعَّم بنسمةِ

عيونك يا أمِّي بهل دني نواضير
قشعولي همِّي من قبل ما اعقد عالسفر همِّةِ

أخدتني الغربة وبعَّدتني كتير
وشاب الشعر يا امِّي واختلفت الرسمةِ

وعَ وجِّيِّ بان كتر الهم ّْ والتفكير
والدهر ترك للشقى ع جبهتي بصمةِ

والغربة من كاسها المرّْ شرَّبتني كتير
الغربة متل جلاد يا أمِّي بيضرب بلا رحمةِ

يا أمِّي دخيلك لاتحزني ولاتبكي كتير
واستبدلي الدمعة من اليوم بالبسمةِ

راجع أنا ع حضن الوطن الكبير
شمشم ترابو شمِّــــة بعد شمِّـــــةِ

تراب الوطن غالي يا أمِّي كتير
وان استدعى الأمر بفديه أنا بدمِّي

راجع أنا متل شي طفل بعدو صغير
مشتاق للبَوسةِ ع خدي من بعد ضمِّة

وبدعي لرب السَّما يمدِّلي بعمرها كتير
ويحفظلي أمِّي ويديمها عليِّ من السما نعمةِ
منقول

الله يطول بعمر الماما و يخليها و يحفظها يا رب ..
اجمل و اصدق شعر واحساس اهديه لكل ام بالدنيا تسلمي يا غصون الربيع على كلماتك الحلوة cyclops