اناهيد
مراقب عام
عدد الرسائل : 277
البلد : السعوديه
: 
: 
نقاط : 58014
تاريخ التسجيل : 12/06/2008
 |  موضوع: بنت ليا منك وقعت تشيلك من القاع شيل ابرك من وجيه الرجال اللي ليا طحت جفلت  الإثنين يونيو 29, 2009 11:41 am | |
|
لولا البكا ماينشرح خاطر ولاينزاح ويل
خل الكدر يطفي سعير الليلتين اللي خلت
دام العيون اليا اهملت تشفي الغليل من الغليل
الله يبارك بالعيون اللي ليا ضقت اهملت
دمعة قهر تثبت لي ان اللي يحبوني قليل
ولاضحكه بوجيه ناس ليا تضايقت انكلت
البارحه يوم الهموم تحط بالصدر وتشيل
والشاهد الله ماحبست بمحجري دمع وفلت
الدمعه اللي ماتهز صدور ربعي لاتسيل
اكنها مثل الجمر ولايقولون انزلت
اللي وهو مافزلي وده يحملني جميل
اجيه برجولي عشان اشكي له الحال ؟ اكملت
ماكل من شافك قوي يفرح ليا جيته ذليل
الناس لي من حست بضعف الشجاع استنذلت
بعيونهم ببقى مثل ماللهبوب من النخيل
على كثر ماضامها صفق اللواهيب اعتلت
وشلون احس ان العذاب اللي على متني ثقيل
وانا ادري ان اللي تصبرني على الحزن وصلت
معشوقتي وان ضف صدري من ليالي الحزن ليل
ياكثر ماشربت معي من علقم الحزن وكلت
معشوقتي ما للفرح برجوعها يمي سبيل
الا مثل ما للربيع من الزهور ليا ذبلت
معشوقتي من عمر جيل ومدرسة مليون جيل
معشوقتي رمز السنين اللي تجلت وانجلت
اللي على كثر المصايب كل مافيها جميل
الناس لـ كبرت تشين وذيك لـ كبرت حلت
لامن تثنت للهبوب تمّيل اللي مايميل
وان مالت عقول الخفاف من الرياجيل اثقلت
كن الكلام بثغرها مجرى سبيل للسلسبيل
مسترسله لو ماضميت ولو ضميت استرسلت
تقبل على لون المسا لاجات مفتوله جديل
غصبن عن عيون النساء مايرمشن اليا قبلت
عشقتها لاني من اللي يعشقون المستحيل
صدقتها لانها لـ قالت القول : افعلت
الترفه اللي تنطح الفريّس وتفك الدخيل
ما الرجال اللي تحملني مثل ماستحملت
لو كل خلق الله ملو ماتمل وماتميل
لان الرجال بهالزمن قلو هذيك استرجلت
يوم ان وقفتهم معي من باب مايخدم بخيل !!
هذيك ماهيب وقفت جنبي .. هذيك تبهذلت
خانوا وهي ماخونت عالو وعيت لاتعيل
تبدلت كل الوجوه وذيك ماتبدلت
لانه ليا عز الرجا ما للخليل الا الخليل
ماقد قرت في محجري قصة عن الحزن وسلت
كل الذي يجري معي يجري مع الطرف الكحيل
اليا رضت ترضى عشاني وان تزعلت زعلت
تدوي بخفاقي دوي لين احيت الحلم القتيل
عشق بدويه لبدوي لاجت على البذل ابذلت
معها اعرف اني قوي حتى وانا مافي حيل
واعدها بمية خوي كان الهموم استفحلت
دام الشدايد تثبت بصاحبك معدنه الاصيل
ليت السنين اللي حدتني لـ الضياع استعجلت
الشده اللي تثبت ان اللي يحبوني قليل
ولا ضحكه بوجيه ناس لي تضايقت انكلت
بنت ليا منك وقعت تشيلك من القاع شيل
ابرك من وجيه الرجال اللي ليا طحت جفلت
ح ــآمــد زيـــد ..
| |
|
