نور
نورحياتي
 عدد الرسائل : 315
البلد : السعودية
: 
: 
نقاط : 53401
تاريخ التسجيل : 02/12/2009
 |  موضوع: شوكلاته توفي  الإثنين أغسطس 22, 2011 7:53 am | |
| [ندعوك للتسجيل في المنتدى أو التعريف بنفسك لمعاينة هذه الصورة]
الطبقة الأولى البسكويت
2/1 2 كوب طحين
2/1 كوب سكر
4/3 كوب زبده طريه (بدون ملح)
خلطي الطحين ويا الشكر عقب حطي عليهم الزبده و ُفركيه بأطراف أصبوعش لين ما يتشكل العجين...عقب رصيه ف صينية فرن..خبقيه بالشوكه عشان تسوين فتحات عسب ما يرتفع و دخليه الفرن ع درجه متوسطه لمدة 20 دقيقه....طلعيه من الفرن يرتاح و هاي الطبقه الأول خلصت..
الحشو/الطبقه الثانيه:
7 ملاعق كبار زبده(ما الزبده المالحه)
2/1 كوب شكر بني
1 كوب حليب مكثف
- حطي الزبده ويا الشكر و الحليب المكثف ف جدر ع نار متوسطة لين يذوب الشكر و يبدأ الخليط يغلي. خففي الحرارة و خليش مستمره ف التحريك لمدة 5- 10 دقائق أو لين يُغلظ القوام و يُطلع لون الكراميل..شليه من على النار و صبيه فوق البسكويت و ساوي السطح و خليه لين يبرد.
الطبقة الأخيرة
2/1 كوب شيكولاته غامجة(الواح شكولاه كسريهن و ترسي الكوب)
2/1 كوب شيكولاته بالحليب(مثل الجلكسي العادي)
4/1 كوب شيكولاته بيضاء(مثل milkyBar مال نستله)
الطريقة :
سيحي الواح الشيكولاته كل واحد بروحه( يعني لا تخلطينهن ع بعض)
صبي خليط الشيكولاته الغامجة و الشيكولاته اللي بالحليب ع شكل خطوط طولية فوق البسكويت.... حطي الشيكولاته البيضا ع شكل نقاط فوق الخطوط و بسيخ خشبي حركي بحيث يستوي شكله شرات الرخام.
خليه يرتاح لين يتماسك عقب قطعي مربعات أو مستطيلات و حطيه ف اوراق مال الكب كيك...دايسو عندهم اشكال رهيبه منهن...و تقدرين ترشين عليه فستق ولا لوز مبشور.. | |
|
