محشي الجزر الاحمر (البلدي)

[ندعوك للتسجيل في المنتدى أو التعريف بنفسك لمعاينة هذه الصورة]
محشي الجزر الاحمر (البلدي)
هي من الاكلات التي نطبخها في الشتاء في هذه الايام وحاليا اقترب موعد انتهاء موسم هذا النوع من الجزر وهذه المرة الاولى بطبخها

بالنسبة لحفره ما حفرته اشتريته محفور جاهز حفره صعب و ما بعرف احفر وما بدي اغلب حالي واتعلم الحفر

سبق وان قلت اطباق المحاشي لدينا كثيرة خاصة في مدينتي في غزة كاللفت واليقطين والفقوس والخيار والكوسا والباذنجان والدوالي والملفوف ولكل واحد طريقته في الطبخ

المقادير

3 كيلو جزر = 20 حبة فهو ثقيل

كاسين ونص رز شقحة

اكثرر من نصف كيلو لحمة فرمة ناعمة

ليمون

تمر هندي

ثوم مهروس

كزبرة ناعمة

ملح , بهار , قرفة, هال , فلفل اسود رشة صغيرة

زيت مازولا

اول شيء بنقع التمر هندي لمدة ساعتين

1- نغسل الجزر بماء وملح و نصفيه جيدا

2- هذا لب الجزر نضعة في الطنجرة بعد غسلة و تصفيته جيدا من الماء مع قليل من زيت المازولا والملح ونقلبه (نذبله)

الحشوة مثل ما انتوا شايفين

الرز واللحمة والبهارات وزيت المازولا

نخلطهم حتى يتجانسوا وبنشوف اذا بدها الحشة ا اضافات من ملح او بهارات او زيت

3- نحشي الجزر ونترك مقدار بوصة من الاعلى (ما بياخذ حشوة كثير )

واحنا بنحشي نضع الزيت على النار حتى يحمى منيح

وهيك خلصت الحشي

وبلشت القلي

نهرس وندعك التمر هندي بالمعلقة او الشوكة وبنصفيه بمصفاية سلك ناعمة

رصيت الجزرات فوق اللب المضجن وضفت عليهم الماء والتمر هندي المفروض التمر هندي اغليه لوحده واضيفة في اخر 15 ساعة

وهذا حد الماء و نغلق الطنجرة
ون بضيف عصير الليمون وعلى فكرة اللون من الجزر مو من التمر هندي البخار طاغي على الصورة والاكلة زكاتها حامضة

بضيف الثوم والكزبرة المقلية وقليل من الكزبرة والثوم الني

تفضلوا الطبق جاهز بس مو انا اللي سكبته عشان هيك مو مبينة الكزبرة

شوفوا الرز كيف ماخد لون الجزر

» محشي الفلفل الاحمر بالجمبري
» محشي الجزر الأصفر
» كيكة الجزر بالصور - حلى الجزر الرمضاني
» خروف محشي
» صلصة الفلفل الاحمر الحار الافريقي