الرئيسيةغصون الربيعمكتبة الصورس .و .جبحـثالتسجيلدخول

شاطر | 
 

 يا هاجرٍ امك ترى قلبها ذاب شعرحسن الهاجري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
غصــ الربيع ــون
Admin


انثى عدد الرسائل : 8006
البلد : سبحان الله وبحمده
عدد خلقه
ورضى نفسه
وزنه عرشه
ومداد كلماته
   :
  :
نقاط : 52253
تاريخ التسجيل : 28/03/2008

مُساهمةموضوع: يا هاجرٍ امك ترى قلبها ذاب شعرحسن الهاجري   السبت فبراير 27, 2010 8:08 am


قصيدة أبكتني ... يا هاجر ٍ امك ترى قلبها ذاب

يا هاجر ٍ امك ترى قلبها ذاب

ابدى بذكر المعتلي ربّ الأرباب ..
الواحد المعبود منشي السحابي


ومن بعد ذكره يا قلم خط بكتاب ..
نصيحة ٍ منّي لبعض الشبابي


نصيحة ٍ تنفع عريبين الأنساب ..
ارجي وراها من الآهي ثوابي


مضمونها أم ّ ٍ شكت ابنها الشاب ..
له مدّة ٍ يمكن سنه في الغيابي


أحس قلبي عقبها اليوم منصاب ..
ونظّمت قافي ابغي أبوح مابي


يا هاجر ٍ امــّك ترى قلبها ذاب ..
خاف الولي من قبل يوم الحسابي


باسباب هجرك اتلفت كل الأعصاب ..
وخيّم عليها الحزن والأكتئابي


عقبك تعاف الزاد وتعاف الأطياب ..
ولولا الحيا طرّة سببك الثيابي


طيفك يباريها وصوتك فلا غاب ..
تصيح باسمك عل ّ تلقى جوابي


تنشد عليك بعاد واصحاب واقراب ..
وصار الأمل بعيونها كالسرابي


امّك جعلها الله مــيــزان وأسباب ..
إمـّــا الـــى جـنــّه وإمّا عذابي


امّك عن النيران لك ستر وحجاب ..
الزم رجــلــها لا تــعـــز الجنابي


حذراك تزعلها ولا تكشّر الناب ..
ويجزيك ربّ الكون باقسى عقابي


حذراك تعصي امرها لأجل الأحباب ..
ويبلاك ربّي بالفتن والمصابي


ياما سهرت ترعاك والدّمع سكاب ..
وفي قلبها همّ وكثير اضطرابي


تطرق عشان دواك باب ٍ ورى باب ..
ما همّها لأجلك جميع الصعابي


تفرح إذا تفرح وإذا ضقت ترتاب ..
وأمرك على طول العمر لك يجابي


امّك تحمّـلتك شقى هم واتعاب ...
والــيــوم تـنـكر فضلها ما تهابي


اتعبتها مولود واتعبتها شاب ...
حطّمت قلب امّك عساك الذهابي


تعال لأمّك كان للخير رغـّاب ..
ويا سعد من يسلك طريق الصوابي


تم الكلام الصدق والكذب ينعاب ..
ونورالحقيقه ما يضرّه ضبابي


يا هاجر ٍ امك ترى قلبها ذاب ..
خاف الولي من قبل يوم الحسابي

((.. شعر /حسن بن علي الهاجري .. ))
الرجوع الى أعلى الصفحة اذهب الى الأسفل
http://gsoon.hooxs.com
 
يا هاجرٍ امك ترى قلبها ذاب شعرحسن الهاجري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدونةغصون الربيع :: أقســـــام المنتدى :: كان ياما كان :: ركن الشعر والقصص والأمثال-
انتقل الى: